Mumbai,તા.24
મુંબઈ Stock Marketમાં ફરી વખત ધબડકાનો દૌર શરૂ થયો હોય તેમ નવા સપ્તાહનાં પ્રારંભે જ મંદીનુ મોજુ ફરી વળ્યુ હતું અને Sensexમાં 900 પોઈન્ટનો કડાકો સર્જાતા Investorsનાં પાંચ લાખ-કરોડ રૂપિયા ડુબી ગયા હતા Sensex 75000 ની નીચે સરકી ગયો હતો.
Stock Market માં આજે શરૂઆત ગેપ ડાઉન રહી હતી. અમેરિકન પ્રમુખ ડોનાલ્ડ ટ્રમ્પે ભારત પર ટેરીફ લાદવાનો પુનરોચ્ચાર કરતાં માનસ ખરડાયું હતું. વિશ્વ બજારની મંદી ઉપરાંત વિદેશી નાણા સંસ્થાઓની એકધારી વેચવાલીનો પણ પ્રત્યાઘાત પડયો હતો. ચાલુ કેલેન્ડર વર્ષમાં જ વિદેશી નાણા સંસ્થાઓએ 1.10 લાખ કરોડથી વધુનો માલ ફુંકી માર્યો હોવાના આંકડા જાહેર થતા માનસ ખરાબ બન્યુ હતું.
જાણીતા શેરબ્રોકરોનાં કહેવા પ્રમાણે વૈશ્વિક ઘટનાક્રમો માર્કેટની મંદી પાછળ જવાબદાર છે અને ટુંકા ગાળામાં અનિશ્ર્ચિતતાનો માહોલ યથાવત રહે તેમ હોવાથી માર્કેટ પણ બેતરફી વધઘટમાં અટવાયેલુ રહે તેમ મનાય છે.
મુંબઈ Stock Marketમાં સેન્સીટીવ Index 900 પોઈન્ટના કડાકાથી 74410 તે ઉંચામાં 74907 તથા નીચામાં 74387 હતો National Stock Exchangeનો Nifty 258 પોઈન્ટ ગગડીને 22537 હતો તે ઉંચામાં 22668 તથા નીચામાં 22518 હતો.
મુખ્ય શેરોમાં ઈન્ફોસીસ, કોટક બેંક, એનટીપીસી, પાવર ગ્રીડ, રીલાયન્સ, સ્ટેટ બેન્ક, ટાટા સ્ટીલ, ટીસીએસ, ટેક મહિન્દ્રા, ટાઈટન, અદાણી પોર્ટ, બજાજ ફાઈનાન્સ, ભારત એરટેલ, એચડીએફસી બેંક, આઈસીઆઈસીઆઈ બેંક, તૂટયા હતા મંદી બજારે પણ ડો.રેડ્ડી, આઈશર મોટર્સ, મહિન્દ્ર, મારૂતી, લાર્સન જેવા કેટલાંક શેરોમાં સુધારો હતો.
BSEમાં આજે 4127 શેરોમાં ટ્રેડીંગ થયુ હતું તેમાંથી 1133 માં સુધારો હતો.જયારે 2807 માં ગાબડા હતા. 261 શેરો વર્ષનાં તળીયે ગયા હતા. ત્યારે 335 માં ઉંધી સર્કીટ લાગી હતી. માર્કેટ કેપીટલાઈઝેશ 5.07 લાખ કરોડ ઘટીને 398 લાખ કરોડથી નીચે ઉતરી ગયુ હતું.