Sudan,તા.૧૮
દક્ષિણ સુદાનની રાજધાની જુબા ગંભીર હિંસા, આગચંપી અને લૂંટફાટની ઝપેટમાં છે. સુદાન વર્ષોથી ગૃહયુદ્ધની ઝપેટમાં હોવા છતાં, શુક્રવારે અચાનક હિંસાનો ધુમાડો અંગારામાં ફેરવાઈ ગયો અને હિંસાની આગ ઝડપથી સમગ્ર દેશમાં ફેલાઈ ગઈ. આના કારણે વિવિધ સ્થળોએ આગચંપી, હુમલા અને દુકાનોમાં લૂંટફાટની ઘટનાઓ બનવા લાગી. દક્ષિણ સુદાનની રાજધાનીમાં સુદાનના ઉદ્યોગપતિઓની માલિકીની સ્થાપનાઓમાં હિંસા અને લૂંટફાટ બાદ સમગ્ર દક્ષિણ સુદાનમાં રાત્રિ કર્ફ્યુ લાદવામાં આવ્યો છે.
પોલીસ વડા જનરલ અબ્રાહમ મનુયાતે શુક્રવારે જણાવ્યું હતું કે લૂંટ અટકાવવા માટે જુબા અને અન્ય મોટા શહેરોમાં સ્થાનિક સમય મુજબ સાંજે ૬ વાગ્યાથી સવાર સુધી કર્ફ્યુ લાગુ રહેશે. હવે, વેપારીઓએ સાંજે ૫ વાગ્યા સુધીમાં પોતાની દુકાનો બંધ કરવી પડશે. “અમે બધા બજારોમાં કડક સુરક્ષા જાળવીશું,” મનુયતે રાજ્ય ટેલિવિઝન પર જણાવ્યું. ,
સુદાનના નાગરિકોને નિશાન બનાવીને થયેલી હિંસા આ અઠવાડિયાની શરૂઆતમાં સુદાનમાં સ્થાનિક લડવૈયાઓ દ્વારા દક્ષિણ સુદાનના નાગરિકોની કથિત હત્યાઓથી ભડકી હોવાનું માનવામાં આવે છે. આ પછી હિંસાની આગ ફરી ઝડપથી ભડકવા લાગી. ગેઝીરા પ્રાંત જેવા વિસ્તારોમાં દક્ષિણ સુદાનના નાગરિકોને કથિત રીતે નિશાન બનાવવાના કિસ્સાઓ વચ્ચે રાષ્ટ્રપતિના પ્રેસ સેક્રેટરી લીલી અદેહૂ માર્ટિન મેનિયલે દેશના લોકોને સંયમ રાખવા અપીલ કરી. આમ છતાં, શેરીઓમાં હિંસા, આગચંપી, હુમલા અને લૂંટફાટથી લોકોમાં ગભરાટ ફેલાયો છે.