શ્રીલીલાના બોલીવૂડ ડેબ્યૂ વિશે ગૂંચવાડો
ફિલ્મનું શૂટિંગ શરુ થઈ ગયું છે પંરતુ કાસ્ટિંગ હજુ ફાઈનલ નહિ હોવાનો નિર્માતાનો ખુલાસો
Mumbai,તા.02
સાઉથની એકટ્રેસ શ્રી લીલા વરુણ ધવન સાથેની એક ફિલ્મ દ્વારા બોલીવૂડમાં ડેબ્યૂ કરી રહી હોવાની ચર્ચાઓ હતી. જોકે, હવે નિર્માતાએ સ્પષ્ટતા કરી છે કે શ્રીલીલાને આ ફિલ્મ માટે હજુ સાઈન કરવામાં આવી નથી. વાસ્તવમાં એવી અફવા ફેલાઈ હતી કે શ્રીલીલાએ આ ફિલ્મ છોડી દીધી છે.
આ અફવા બાદ નિર્માતા રમેશ તૌરાણીએ સ્પષ્ટતા કરી હતી કે શ્રી લીલાને હજુ સાઈન કરી જ નથી એટલે તેના ફિલ્મ છોડી દેવાનો સવાલ જ નથી. તેમણે કહ્યું હતું કે ફિલ્મનું એક શિડયૂલ પૂર્ણ થઈ ચૂક્યું છે. પરંતુ, હજુ ઘણું કાસ્ટિંગ બાકી છે. અન્ય કલાકારોની હવે પછી જાહેરાત કરાશે.