Mumbai,તા.07

ભારત અને ઇંગ્લેન્ડ વચ્ચે નાગપુરમાં રમાઈ રહેલી ત્રણ મેચની ઘઉઈં શ્રેણીની પહેલી મેચમાં, રવિન્દ્ર જાડેજાએ 36 રન આપીને 3 વિકેટ લીધી. આ સાથે, રવિન્દ્ર જાડેજાએ એક ખાસ સિદ્ધિ હાંસલ કરી, જે પહેલા ફક્ત ચાર ભારતીયો જ કરી શક્યા છે.

ડાબોડી સ્પિનર રવિન્દ્ર જાડેજા ત્રણેય ફોર્મેટમાં 600 આંતરરાષ્ટ્રીય વિકેટ લેનાર પાંચમો ભારતીય બોલર બન્યો. જાડેજાએ મેચમાં પોતાની ત્રીજી વિકેટ લઈને આ સિદ્ધિ મેળવી. આ સમયગાળા દરમિયાન, તેણે ભારત માટે આંતરરાષ્ટ્રીય ક્રિકેટમાં સૌથી વધુ વિકેટ લેવાની બાબતમાં ઝહીર ખાનને પાછળ છોડી દીધો, જેમના નામે 597 આંતરરાષ્ટ્રીય વિકેટ છે.

ભારત માટે સૌથી વધુ આંતરરાષ્ટ્રીય વિકેટ લેવાનો રેકોર્ડ અનિલ કુંબલેના નામે છે. અનિલ કુંબલેએ ભારત માટે રમાયેલી 401 મેચોની 499 ઇનિંગ્સમાં 953 વિકેટ લીધી છે. કુંબલેએ પોતાની કારકિર્દીમાં 39 વખત ચાર વિકેટ, 37 વખત પાંચ વિકેટ અને 8 વખત મેચમાં 10 વિકેટ લેવાની સિદ્ધિ હાંસલ કરી છે.

આ પછી, રવિચંદ્રન અશ્વિન આ યાદીમાં બીજા સ્થાને છે, જેમણે 287 મેચની 379 ઇનિંગ્સમાં 765 વિકેટ લીધી છે. અશ્વિને તેની કારકિર્દીમાં 28 વખત ચાર વિકેટ અને 37 વખત પાંચ વિકેટ લીધી છે. હરભજન સિંહ આ યાદીમાં ત્રીજા સ્થાને છે. હરભજન સિંહે 365 મેચની 442 ઇનિંગ્સમાં 707 વિકેટ લીધી છે.

જાડેજાએ ઝહીર ખાનને પાછળ છોડી દીધો
ઝહીર ખાને ભારત માટે 303 મેચની 373 ઇનિંગ્સમાં 597 વિકેટ લીધી છે. તેણે 23 વખત ચાર વિકેટ અને 12 વખત પાંચ વિકેટ લેવાની સિદ્ધિ હાંસલ કરી છે. આ સમયગાળા દરમિયાન ઝહીર ખાનનો ઇકોનોમી રેટ 3.89 હતો. જ્યારે રવિન્દ્ર જાડેજાએ 352 મેચની 411 ઇનિંગ્સમાં 600 વિકેટ પૂર્ણ કરી છે. રવિન્દ્ર જાડેજાએ પોતાની કારકિર્દીમાં 20 વખત ચાર વિકેટ અને 17 વખત પાંચ વિકેટ લેવાની સિદ્ધિ હાંસલ કરી છે. આ સમયગાળા દરમિયાન તેની ઇકોનોમિક 3.51 હતી.

કપિલ દેવ પછી આવું કરનાર બીજો ભારતીય 
આ સાથે, રવિન્દ્ર જાડેજા કપિલ દેવ પછી 6000 આંતરરાષ્ટ્રીય રન અને 600 વિકેટનો બેવડો રેકોર્ડ બનાવનાર બીજો ભારતીય બન્યો છે. 

પ્રથમ ડાબોડી ભારતીય બોલર 
રવિન્દ્ર જાડેજા 600 આંતરરાષ્ટ્રીય વિકેટો પૂર્ણ કરનાર પ્રથમ ડાબોડી ભારતીય બોલર છે. ટેસ્ટમાં, જાડેજાએ 323 વિકેટ અને 3,370 રન બનાવ્યા છે. વનડેમાં, તેણે 198 મેચોમાં 223 વિકેટ લીધી છે, જેમાં બે વાર પાંચ વિકેટ લેવાનો સમાવેશ થાય છે. ભારતે 2024 ઝ20 વર્લ્ડ કપ જીત્યા બાદ જાડેજાએ ગયા વર્ષે ઝ20માંથી નિવૃત્તિ લીધી હતી.