Nadiad,તા.22
નડિયાદની ભીમ તલાવડી વિસ્તારમાં રહેતી મહિલા બુટલેગરને દેશી દારૂ, દારૂ ગાળવાના વોશ સહિત રૂા. ૪૪ હજારના મુદ્દામાલ સાથે પોલીસે ઝડપી પાડી હતી. આ બનાવ અંગે નડિયાદ ટાઉન પોલીસે ગુનો નોંધી કાયદેસર કાર્યવાહી હાથ ધરી હતી.
નડિયાદ ટાઉન પોલીસ આજે સવારે પેટ્રોલિંગમાં હતી. ત્યારે ફતેપુરા રોડ પર આવેલી ભીમ તલાવડી પર રહેતી લક્ષ્મીબેન ગોવિંદભાઈ તળપદા દેશી દારૂનું છૂટક વેચાણ કરે કરતી હતી. જ્યાં પોલીસે રેડ પાડતા ભીમ તલાવડી પર રહેતી લક્ષ્મીબેન તળપદાને પતરાના ૮ પીપમાં દારૂ ગાળવાનો વોશ ૧,૬૦૦ લિટર કિંમત રૂ. ૪૦ હજાર તથા દેશી દારૂ ૨૦ લિટર કિંમત રૂ.૪,૦૦૦ મળી કુલ રૂ. ૪૪ હજારના મુદ્દામાલ સાથે ઝડપી પાડી હતી.
આ બનાવ અંગે નડિયાદ ટાઉન પોલીસે લક્ષ્મીબેન તળપદા સામે ગુનો નોંધી કાર્યવાહી હાથ ધરી હતી.