Morbi તા.૧૩

                મોરબીના પાવડીયારી કેનાલ પાસેથી ટ્રેક્ટર ચોરી થયાની પોલીસ મથકમાં ફરિયાદ નોંધાઈ હતી જે ફરિયાદને પગલે એલસીબી ટીમે તપાસ ચલાવી હતી જેમાં ટ્રેક્ટર ચોરી કરનાર ઈસમને ઉંચી માંડલ ગામ નજીકથી ઝડપી લઈને ચોરી થયેલ ટ્રેક્ટર રીકવર કરવામાં સફળતા મળી છે

                મોરબી એલસીબી ટીમ ચોરીના ગુનાના ભેદ ઉકેલવા પેટ્રોલિંગમાં હોય દરમીયાન તાલુકા પોલીસ મથકમાં થયેલ ટ્રેક્ટર ચોરીના ગુના મામલે બાતમી મળી હતી કે એક ઇસમ ઉંચી માંડલ ગામ પાસે રોડ પર ટ્રેક્ટર સાથે ઉભો છે જે બાતમીને પગલે ટીમે સ્થળ પરથી આરોપી બેડીસિંગ ગુલાબસિંગ ગૌડા (ઉ.વ.૨૫) રહે હાલ પાવડીયારી કેનાલ પાસે મૂળ એમપી વાળાને ઝડપી લઈને ચોરી થયેલ ટ્રેક્ટર કીમત રૂ ૫ લાખ કબજે લઈને વધુ તપાસ ચલાવી છે