New Delhi,તા.15
આઇસીસી ચેમ્પિયન્સ ટ્રોફીની શરૂઆતમાં હવે ફક્ત ગણતરીનાં દિવસો જ બાકી છે.  આ વખતે ટૂર્નામેન્ટ પાકિસ્તાનનાં રાવલપિંડી, લાહોર, કરાચી અને દુબઈના ત્રણ શહેરોમાં ’હાઇબ્રિડ મોડેલ’ હેઠળ રમવામાં આવશે.  પ્રારંભિક મેચ 19 ફેબ્રુઆરીએ પાકિસ્તાન અને ન્યુઝિલેન્ડ વચ્ચે કરાચીમાં યોજાશે.

જ્યારે રોહિત શર્માની આગેવાની હેઠળની ભારતીય ટીમ 20 ફેબ્રુઆરીએ દુબઇ આંતરરાષ્ટ્રીય ક્રિકેટ સ્ટેડિયમ ખાતે બાંગ્લાદેશ સામે પોતાનો પહેલો મેચ રમશે.
ચેમ્પિયન્સ ટ્રોફીમાં, વિરાટ કોહલી, સ્ટીવ સ્મિથ, રોહિત શર્મા, જો રૂટ, બાબર આઝમ, કેન વિલિયમસન, મોહમ્મદ શમી, કાગિસો રબાડા ભાગ લેવા જઈ રહ્યાં છે. દરેક વ્યક્તિ આ ખેલાડીઓ પર નજર રાખશે.

જો કે, કેટલાક ખેલાડીઓ છે જે આ ટૂર્નામેન્ટનો ભાગ નહીં બને. વિશેષ બાબત એ છે કે આ ખેલાડીઓને પ્રોવિઝનલ ટુકડીમાં શામેલ કરવામાં આવ્યાં હતાં, પરંતુ ઇજા અથવા અન્ય કારણોસર તેઓ ચેમ્પિયન્સ ટ્રોફીમાંથી બહાર થયાં છે. આવી સ્થિતિમાં, આ ટૂર્નામેન્ટનો રોમાંચ થોડો ઓછો થઈ ગયો છે. ચાલો આ ખેલાડીઓ કોણ કોણ છે તે જોઈએ.

ઇંગ્લેંડ

ઓલરાઉન્ડર જેકબ બેથેલને ઇંગ્લેન્ડના તાજેતરનાં ભારત પ્રવાસ દરમિયાન હેમ્સ્ટિંગની ઇજા થઈ હતી. આવી સ્થિતિમાં, ચેમ્પિયન્સ ટ્રોફીમાં રમવાનું બેથેલનું સ્વપ્ન તૂટી ગયું છે.

દક્ષિણ આફ્રિકા

એનરિચ નોર્ટજે : દક્ષિણ આફ્રિકાનાં ઝડપી બોલર નોર્ટ્જેની ગેરહાજરીથી ટીમને ફટકો પડ્યો છે, જે 150 કિમીની ગતિએ બોલિંગ કરવા માટે જાણીતો છે.

નોર્ટજેની પીઠની ઇજાએ સપ્ટેમ્બર 2023 માં થઈ હતી જેમાથી તે હાલ સુધી રિકવર થયો નથી.

ગેરાલ્ડ કોટઝી :  કોટઝી, જેમણે ભારતમાં 2023 વનડે વર્લ્ડ કપ દરમિયાન બધાને પ્રભાવિત કર્યા હતાં, તે પણ ટૂર્નામેન્ટ ચૂકી જશે. 24 વર્ષીય ખેલાડીને પ્રાઈવેટ પાર્ટની ઇજા થઈ છે જેથી તે પણ ટૂર્નામેન્ટમાંથી બહાર થયો છે.

ન્યુઝિલેન્ડ

બેન સીઅર્સ : ન્યુઝીલેન્ડના ફાસ્ટ બોલર બેન સીઅર્સ પણ હેમસ્ટ્રિંગની ઇજાને કારણે ચેમ્પિયન્સ ટ્રોફીમાંથી બહાર નીકળી ગયાં છે.

ભારત

બુમરાહ :પીઠની ઈજાને કારણે સ્ટાર ફાસ્ટ બોલર જસપ્રીત બુમરાહ આ ટૂર્નામેન્ટમાંથી બહાર થયો છે. ભારતીય ટીમ માટે આ મોટો આંચકો હતો.  ગયાં મહિને, ઓસ્ટ્રેલિયા સામેની સિડની ટેસ્ટ દરમિયાન, બુમરાહની પીઠના સ્નાયુઓ ખેંચાયા હતાં, જેથી તે અનફિટ થતાં ચેમ્પિયન્સ ટ્રોફીમાંથી બહાર થયો હતો.

ઓસ્ટ્રેલિયા

પેટ કમિન્સ : ઓસ્ટ્રેલિયાનાં અભિયાનને તેમનાં ફાસ્ટ બોલરોની ગેરહાજરીથી નોંધપાત્ર અસર થશે.

સૌથી નિર્ણાયક નામ છે તેમનાં નિયમિત કેપ્ટન, પેટ કમિન્સ છે. બોર્ડર ગાવસ્કર ટ્રોફી દરમિયાન કમિન્સને પગની ઘૂંટીમાં ઈજા થઈ હતી.

મિશેલ સ્ટાર્ક: ઓસ્ટ્રેલિયાની મુશ્કેલીઓમાં ઉમેરો કરીને ફાસ્ટ બોલર મિશેલ સ્ટાર્ક વ્યક્તિગત કારણોસર ટૂર્નામેન્ટમાંથી બહાર થયો છે.

યોર્કર ઉપરની નિપુણતાને કારણે, સ્ટાર્ક ઓસ્ટ્રેલિયન ટીમનો એક મહત્વપૂર્ણ ભાગ હોય છે.

જોશ હેઝલવુડ : હેઝલવુડને ભારત સામેની ટેસ્ટ સિરીઝ દરમિયાન હિપની સમસ્યા થઈ હતી.

ઝડપી બોલર રિકવર થઈ રહ્યો છે તેથી આગમી ચેમ્પિયન્સ ટ્રોફીમાંથી તે નહીં રમી શકે.

મિશેલ માર્શ : પીઠના દુખાવાના કારણે ઓલરાઉન્ડર મિશેલ માર્શને બહાર કરવામાં આવ્યો છે.

તે હાલમાં રીકવર થઈ રહ્યો છે પરંતુ તેમ છતાં, તેની સ્થિતિમાં પૂરતાં પ્રમાણમાં સુધારો થયો નહીં, જેનાં કારણે તેને હજુ થોડા સમય માટે આરામ આપવામાં આવ્યો છે.

માર્કસ સ્ટોઇનિસ : ઓસ્ટ્રેલિયન ઓલરાઉન્ડર થોડાં દિવસો પહેલાં જ વનડેમાંથી અચાનક નિવૃત્ત થયાં હતાં.  35 ની ઉંમરે, સ્ટોઇનિસે ટી 20 આંતરરાષ્ટ્રીય પર વિશેષ ધ્યાન કેન્દ્રિત કરવા માટે 50 થી વધુ ફોર્મેટથી દૂર જવાનું નક્કી કર્યું, તેથી તે ચેમ્પિયન્સ ટ્રોફી નહીં રમે.

પાકિસ્તાન
 

સઈમ અયુબ :પાકિસ્તાનનાં યુવાન ઓપનર સઇમ યુબને આ વર્ષની શરૂઆતમાં કેપટાઉનમાં દક્ષિણ આફ્રિકા સામેની બીજી ટેસ્ટ દરમિયાન પગની ઘૂંટીના ફ્રેકચરને કારણે બહાર કરવામાં આવ્યો છે. અયુબને ફિલ્ડિંગ કરતી વખતે ઈજા થઈ હતી, અયુબને લગભગ 10 અઠવાડિયા સુધી આરામ આપવામાં આવશે.

અફઘાનિસ્તાન

અલ્લાહ ગાજનફર : ’મિસ્ટ્રી સ્પિનર’ અલ્લાહ ગાજનફર કરોડરજ્જુના ફ્રેકચરને કારણે આ ટૂર્નામેન્ટમાંથી બહાર નીકળી ગયો છે.

ગયાં વર્ષે ડિસેમ્બરમાં ઝિમ્બાબ્વેની મુલાકાત દરમિયાન ગાજનફરને ઈજા થઈ હતી.

મુજીબ ઉર રહેમાન : અફઘાનિસ્તાનની ટીમનો એક અભિન્ન ભાગ, મુજીબને તેનાં બોલિંગના હાથની આંગળીમાં મચકોડ આવ્યાં બાદ તેને બહાર કરવામાં આવ્યો છે. અગાઉ પણ તે જ હાથ પર તેને ઈજા થઈ હતી.