Mumbai,તા.૧
બોલિવૂડમાં ખેલૈયાઓ પર બનેલી બાયોપિક ફિલ્મો હંમેશા દર્શકોને આકર્ષતી રહે છે. આ ક્રમમાં દર્શકોને બીજી સ્પોર્ટ્સ બાયોપિક જોવા મળી શકે છે. હાલમાં જ પ્રખ્યાત ભારતીય ક્રિકેટર હરભજન સિંહે તેની બાયોપિક વિશે વાત કરી છે. તાજેતરની વાતચીત દરમિયાન, તેણે ખુલાસો કર્યો કે તે ટૂંક સમયમાં તેના જીવન પર આધારિત બાયોપિકની જાહેરાત કરશે. આ દરમિયાન તેણે શેર કર્યું કે તેને લાગે છે કે છવા અભિનેતા વિકી કૌશલ ફિલ્મમાં તેનું પાત્ર ભજવવા માટે યોગ્ય પસંદગી હોઈ શકે છે.
ક્રિકેટર હરભજન સિંહ એક પ્રખ્યાત બોલર છે, જે સાથી ક્રિકેટરો અને ચાહકોમાં ’ભજ્જી’ તરીકે પ્રખ્યાત છે. ઇન્સ્ટન્ટ બોલિવૂડ સાથેના એક ઇન્ટરવ્યુમાં, તેણે તેના પર બાયોપિક બનવાની અફવાઓની પુષ્ટિ કરી છે. તેણે કહ્યું કે તે તેના જીવનની સફર પર ફિલ્મ બનાવવાનું વિચારી રહ્યો છે. જોકે, તેણે હજુ સુધી કોઈ સમય મર્યાદા નક્કી કરી નથી. હરભજને કહ્યું, “એક કે બે સારી વાર્તાઓ છે જેને હું દુનિયા સમક્ષ જાહેર કરવા માંગુ છું, હું ટૂંક સમયમાં તેની જાહેરાત કરીશ.”
આ વાતચીત દરમિયાન જ્યારે હરભજનને પૂછવામાં આવ્યું કે તે ફિલ્મમાં મુખ્ય ભૂમિકા ભજવવા માટે કયા અભિનેતાને યોગ્ય માને છે તો તેણે તરત જ વિકી કૌશલનું નામ લીધું. તેણે વિક્કી કૌશલને નંબર વન તરીકે સંબોધિત કર્યા, જે સ્પષ્ટપણે અભિનેતા પ્રત્યેનો તેમનો આદર દર્શાવે છે. વિકી સ્ક્રીન પર સરદાર ઉધમ સિંહ અને સેમ માણેકશા જેવા વાસ્તવિક પાત્રો ભજવવા માટે જાણીતો છે.વિકી કૌશલનું વર્ક ફ્રન્ટ જોઇએ તો હરભજને ફિલ્મ નિર્માતા દીપકની સર્જનાત્મક ક્ષમતાનો પણ સ્વીકાર કર્યો અને ઉલ્લેખ કર્યો કે તે સારી ફિલ્મો લખે છે અને બનાવે છે અને કંઈપણ શક્ય બનાવી શકે છે.
તમને જણાવી દઈએ કે હરભજન સિંહ ભારતીય ક્રિકેટના ઈતિહાસના સૌથી સફળ સ્પિનરોમાંથી એક છે, જેણે આપણા દેશ માટે ટેસ્ટમાં ૪૧૭ વિકેટ, વન-ડે ઈન્ટરનેશનલમાં ૨૬૯ વિકેટ અને ્૨૦ ઈન્ટરનેશનલ મેચોમાં ૨૫ વિકેટ ઝડપી છે. બીજી તરફ, વિકી કૌશલ આગામી ફિલ્મ છાવામાં રશ્મિકા મંદન્ના સાથે જોવા મળશે. આ દિવસોમાં તે સંજય લીલા ભણસાલીની લવ એન્ડ વોરમાં વ્યસ્ત છે.