Ujjain,તા.06 

મધ્યપ્રદેશના ઉજ્જૈનમાં કચરો વીણતી મહિલા પર દુષ્કર્મ નો મામલો સામે આવ્યો છે. આરોપીએ મહિલાને લગ્નની લાલચ આપી હતી. આ પછી તેણે મહિલાને દારૂ પીવડાવ્યો અને દારૂના નશામાં તેની સાથે દુષ્કર્મ પણ કર્યો. અજાણ્યા લોકોએ દુષ્કર્મ નો વીડિયો બનાવીને સોશિયલ મીડિયા પર વાયરલ કર્યો હતો.

બળજબરીથી દારૂ પીવડાવ્યો

આરોપીએ લગ્નના બહાને ઉજ્જૈનના અગર નાકા વિસ્તારમાં કચરો વીણતી એક મહિલા સાથે દુષ્કર્મ કર્યો હતો. આરોપીએ મહિલાને બળજબરીથી દારૂ પીવડાવ્યો અને તેની સાથે દુષ્કર્મ કર્યો. આ દરમિયાન અજાણ્યા લોકોએ દુષ્કર્મ નો વીડિયો બનાવીને સોશિયલ મીડિયા પર વાયરલ કર્યો હતો. એક પોલીસ અધિકારીએ ગુરુવારે આ ઘટનાની માહિતી આપી. કોતવાલી વિસ્તારના સિટી સુપરિન્ટેન્ડેન્ટ ઑફ પોલીસ (CSP) ઓમ પ્રકાશ મિશ્રાએ જણાવ્યું હતું કે અજાણ્યા વ્યક્તિઓ દ્વારા બનાવેલા દુષ્કર્મ નો વીડિયો સોશિયલ મીડિયા પર વાયરલ થયા બાદ આ ઘટના સામે આવી હતી.

પોલીસે આરોપીની ધરપકડ કરી હતી

પોલીસે જણાવ્યું કે આ ઘટના બુધવારે બની હતી. ફરિયાદ મળ્યા બાદ કેસમાં કાર્યવાહી હાથ ધરવામાં આવી હતી અને આરોપીની ધરપકડ કરવામાં આવી હતી. કોતવાલી વિસ્તારના સિટી સુપરિન્ટેન્ડેન્ટ ઑફ પોલીસ, ઓમ પ્રકાશ મિશ્રાએ કહ્યું, ‘આરોપી લોકેશે પીડિતા સાથે લગ્ન કરવાનું વચન આપ્યું હતું, તેને દારૂ પીવડાવ્યો અને પછી તેની સાથે દુષ્કર્મ કર્યો. ત્યાંથી પસાર થતા કેટલાક લોકોએ ગુનો રોકવાને બદલે ઘટનાનો વીડિયો બનાવ્યો હતો. લોકેશ બાદમાં ઘટના સ્થળેથી ભાગી ગયો હતો. ત્યારબાદ નશો ઉતરતા મહિલાએ ફરિયાદ નોંધાવી હતી અને લોકેશની ધરપકડ કરવામાં આવી.’