વિશ્વની જાણીતી ટેક કંપનીઓમાંની એક ગૂગલ વારંવાર નવા અપડેટ્સ પર કામ કરતી રહે છે
New Delhi, તા.૨૫
વિશ્વની જાણીતી ટેક કંપનીઓમાંની એક ગૂગલ વારંવાર નવા અપડેટ્સ પર કામ કરતી રહે છે, જેથી યુઝર્સને વધુ સારી સુવિધાઓ મળી શકે. આવી સ્થિતિમાં ઘણા લોકો તેમના સ્માર્ટફોનમાં ગૂગલ ક્રોમ બ્રાઉઝરનો ઉપયોગ કરે છે, જો તમે પણ ગૂગલ ક્રોમ બ્રાઉઝરનો ઉપયોગ કરો છો તો તમે આ સમાચારને અવગણી શકો નહીં. વાસ્તવમાં ગૂગલે એક મોટો નિર્ણય લીધો છે. આ નિર્ણયની સીધી અસર યુઝર્સને થશે. ગૂગલ ક્રોમ બ્રાઉઝર હવે થર્ડ પાર્ટી કૂકીઝને રાખવામાં આવશે. ગૂગલના જણાવ્યા અનુસાર, ક્રોમ બ્રાઉઝરમાં એવું ફીચર ઉમેરવામાં આવશે જે યુઝર્સને બ્રાઉઝિંગ દરમિયાન યોગ્ય વિકલ્પો આપશે. રિપોટ્ર્સમાં કહેવામાં આવી રહ્યું છે કે યુઝર્સ પોતાની સુવિધા અનુસાર આ ફીચરને એડજસ્ટ કરી શકશે. રિપોટ્ર્સમાં કહેવામાં આવી રહ્યું છે કે ગૂગલના આ નિર્ણયથી મોટાભાગના લોકો આશ્ચર્યચકિત થઈ ગયા છે, કારણ કે ગૂગલ ક્રોમ બ્રાઉઝરમાંથી થર્ડ પાર્ટી કૂકીઝ હટાવવા માટે ઘણા સમયથી કામ કરી રહ્યું હતું, પરંતુ હવે આ નિર્ણયથી બધું બદલાઈ જશે. ઘણા રિપોટ્ર્સમાં એવો પણ દાવો કરવામાં આવી રહ્યો છે કે ગૂગલની પેરન્ટ કંપની આલ્ફાબેટ ૨૦૧૯થી ક્રોમ બ્રાઉઝરમાંથી થર્ડ પાર્ટી એપ્સની કૂકીઝ દૂર કરવા યુનિટ પ્રાઈવસી સેન્ડબોક્સ પર કામ કરી રહી હતી, જેથી થર્ડ પાર્ટી એપ્સની તમામ કૂકીઝને ક્રોમમાંથી દૂર કરી શકાય. રિપોટ્ર્સમાં કહેવામાં આવી રહ્યું છે કે ગૂગલે આ નિર્ણય એડવર્ટાઇઝર્સના કારણે લીધો છે. જો ક્રોમ બ્રાઉઝરમાંથી થર્ડ પાર્ટી એપ્સની કૂકીઝ કાઢી નાખવામાં આવે તો ગૂગલને મોટું નુકસાન વેઠવું પડશે. નોંધનીય છે કે ગૂગલ તેની મોટાભાગની કમાણી જાહેરાતોથી કરે છે. આ જ કારણ છે કે ગૂગલે પોતાનો પ્લાન બદલવો પડ્યો. ક્રોમ બ્રાઉઝરમાંથી કૂકીઝ દૂર કરવાથી લોકોની અંગત માહિતી મેળવવી મુશ્કેલ બની ગઇ હોત. પછી બધું યુઝર્સના ડેટા પર નિર્ભર થઈ જશે. આ જ કારણ છે કે આટલી મોટી ટેક કંપનીએ પોતાની યોજના અધવચ્ચે જ અટકાવવી પડી હતી. જ્યારે પણ યુઝર્સ વેબસાઇટની મુલાકાત લે છે, ત્યારે વેબસાઇટ યુઝર્સના બ્રાઉઝર પર કૂકીઝ મોકલે છે. તે એક પ્રકારની નાની ટેક્સ્ટ ફાઇલ છે. આ કૂકીઝની મદદથી વેબસાઈટ યુઝરનો ડેટા યાદ રાખે છે. આ કારણે જ્યારે પણ યુઝર્સ ફરીથી તે વેબસાઇટની મુલાકાત લેવાનો પ્રયાસ કરે છે, ત્યારે તે ખૂબ સરળ બની જાય છે. આની પાછળનું તમામ કામ કૂકીઝ દ્વારા કરવામાં આવે છે. આવી સ્થિતિમાં કૂકીઝ યુઝરના આવવા-જવા અંગેની તમામ માહિતી પોતાની પાસે રાખે છે.