New Delhi, તા.18
ભારતના સ્ટાર ઓલરાઉન્ડર હાર્દિક પંડ્યાએ કહ્યું કે, છેલ્લા કેટલાક મહિનામાં તેના માટે સમયનું ચક્ર સંપૂર્ણપણે 360 ડિગ્રી થઈ ગયું છે. પરંતુ મુશ્કેલ સંજોગોમાં હાર ન માનવાની હિંમતને કારણે તે મેદાનમાં રહ્યો.

ગયા વર્ષે આઈપીએલમાં રોહિત શર્માની જગ્યાએ મુંબઈ ઈન્ડિયન્સના કેપ્ટન તરીકે નિયુક્ત થયા બાદ હાર્દિકને દર્શકોના રોષનો સામનો કરવો પડ્યો હતો. પરંતુ આ પછી તેણે ભારતના T20 વર્લ્ડ કપ અને ચેમ્પિયન્સ ટ્રોફીની જીતમાં મહત્વની ભૂમિકા ભજવી હતી અને IPL ની આગામી સિઝનની તૈયારી કરી રહેલા આ ઓલરાઉન્ડરને આશા છે કે, આ વખતે તેને મુંબઈ ઈન્ડિયન્સના ચાહકોનો પ્રેમ મળશે.

31 વર્ષીય હાર્દિકે 22 માર્ચથી શરૂ થનારી IPL ની આગામી સિઝન પહેલા જણાવ્યું હતું કે, મારી કારકિર્દીમાં કેટલાક એવા સમયગાળા હતા જ્યારે મારું ધ્યાન જીતવાને બદલે રમતમાં રહેવા પર હતું. મને સમજાયું કે, મારી સાથે જે પણ થઈ રહ્યું છે, ક્રિકેટ હંમેશા મારો સાચો મિત્ર રહેશે.

મેં મારી જાતને ટેકો આપ્યો અને જ્યારે મારી મહેનતનું ફળ મળ્યું, ત્યારે તે મારી કલ્પના કરતાં વધુ હતું. આ છ મહિનાના સમયગાળા દરમિયાન, અમે વર્લ્ડ કપ જીત્યો અને જ્યારે હું ઘરે પાછો આવ્યો ત્યારે મને જે પ્રેમ અને સમર્થન મળ્યું તેનાથી હું અભિભૂત થઈ ગયો.

ભારતીય ટીમ આઈપીએલની છેલ્લી સિઝનમાં છેલ્લા સ્થાને રહી હતી પરંતુ હાર્દિકનું માનવું છે કે, આ વખતે તેની ટીમ ખૂબ જ સંતુલિત છે અને તે બધું ફેરવી શકશે. તેણે કહ્યું કે, હું લગભગ 11 વર્ષથી ઈંઙક રમી રહ્યો છું. દરેક સત્ર તમારામાં નવી ઉર્જા અને સકારાત્મક લાગણીઓ પેદા કરે છે.