Hyderabad,તા.૧૭

’પુષ્પા ૨’ના સ્ક્રીનિંગ માટે અલ્લુ અર્જુનને સંધ્યા થિયેટરમાં આમંત્રિત કરવા અંગે મેનેજમેન્ટે દાવો કર્યો હતો કે તેઓએ હૈદરાબાદ પોલીસને આ અંગે જાણ કરી હતી. હવે પોલીસે આ મામલે પ્રતિક્રિયા આપી છે અને સત્ય જણાવ્યું છે.

તેની ફિલ્મ ’પુષ્પા ૨’ સિવાય સાઉથનો મેગાસ્ટાર અલ્લુ અર્જુન પણ સંધ્યા થિયેટર નાસભાગના મામલાને લઈને ઘણા દિવસોથી સમાચારમાં છે. તાજેતરમાં, અલ્લુ અર્જુનને ’પુષ્પા ૨ઃ ધ રૂલ’ના સ્ક્રીનિંગ માટે સંધ્યા થિયેટરમાં બોલાવવામાં આવ્યો હતો, ત્યારબાદ નાસભાગમાં એક મહિલાનું મૃત્યુ થયું હતું અને ૨ અન્ય લોકો ઘાયલ થયા હતા. આ પછી, આ કેસમાં અભિનેતાની ધરપકડ કરવામાં આવી હતી અને તેને ૧૪ ડિસેમ્બર, ૨૦૨૪ ના રોજ સવારે ૭ વાગ્યે છોડી દેવામાં આવ્યો હતો. દરમિયાન, હૈદરાબાદ સંધ્યા થિયેટરનો પત્ર વાયરલ થતાં જ પોલીસે એક નવું અપડેટ આપીને સત્ય જાહેર કર્યું છે.

’પુષ્પા ૨’ના એક્ટર અલ્લુ અર્જુનની ધરપકડ બાદ વિવાદ અટકી રહ્યો નથી. અગાઉ પોલીસે કોર્ટમાં દલીલ કરી હતી કે તેણે મેનેજમેન્ટને અભિનેતાને શોમાં ન આવવા માટે કહ્યું હતું. હવે આ પત્ર સાર્વજનિક થતાં વાર્તામાં નવો વળાંક આવ્યો છે. ચિક્કડપ્પલ્લી પોલીસ દ્વારા સંધ્યા થિયેટરના મેનેજમેન્ટને કથિત રીતે લખવામાં આવેલી એક નોંધ સામે આવી છે, જેમાં તેમને ’પુષ્પા ૨’ ના પ્રીમિયર શો માટે અલ્લુ અર્જુનને થિયેટરમાં આમંત્રિત ન કરવાની ચેતવણી આપવામાં આવી છે. હૈદરાબાદ પોલીસનો આ પત્ર સોમવારે સોશિયલ મીડિયા પર વાયરલ થયો હતો.

ચિક્કાડપ્પલ્લી પોલીસ અધિકારીઓ દ્વારા હસ્તાક્ષરિત અને સીલ કરાયેલા પત્રમાં થિયેટર મેનેજમેન્ટને જાણ કરવામાં આવી હતી કે થિયેટર અને નજીકની હોટલની નાની જગ્યાને કારણે નાસભાગ થવાની સંભાવના છે. આ કારણોસર, મેનેજમેન્ટને સલાહ આપવામાં આવી હતી કે ૪ અને ૫ ડિસેમ્બરે ફિલ્મ જોવા માટે સ્ટાર્સને થિયેટરમાં આમંત્રિત ન કરો. તાજેતરમાં, થિયેટર મેનેજમેન્ટે એક પત્ર સાર્વજનિક કરીને જણાવ્યું હતું કે તેઓએ પોલીસને જાણ કરી હતી કે અલ્લુ અર્જુન, રશ્મિકા મંદન્ના અને ફિલ્મના અન્ય કલાકારો પ્રીમિયર શોમાં હાજરી આપી શકે છે. અગાઉ, પોલીસે કોર્ટમાં દલીલ કરી હતી કે તેણે મેનેજમેન્ટને અભિનેતાને શોમાં ન આવવા માટે કહ્યું હતું. હવે આ પત્ર સાર્વજનિક થતાં વાર્તામાં નવો વળાંક આવ્યો છે.

સંધ્યા થિયેટર મેનેજમેન્ટે દાવો કર્યો હતો કે તેમણે અલ્લુ અર્જુનની ’પુષ્પા ૨’ના પ્રીમિયરના બે દિવસ પહેલા પોલીસને જાણ કરી હતી અને સુરક્ષા વ્યવસ્થાની માંગ કરી હતી. તેમ છતાં પોલીસે બંદોબસ્ત કર્યો ન હતો. બીજી તરફ પોલીસનું કહેવું છે કે થિયેટર દ્વારા કોઈ માહિતી આપવામાં આવી નથી.