Srinagar,તા.૨

પીપલ્સ કોન્ફરન્સના પ્રમુખ સજ્જાદ લોને મુખ્યમંત્રી ઓમર અબ્દુલ્લા પર કાશ્મીરની ઓળખને નષ્ટ કરવાનો આરોપ લગાવ્યો હતો. લોને એક્સ પર લખ્યું કે ઓમર અબ્દુલ્લામાં દિલ્હીનો વિરોધ કરવાની હિંમત નથી. તેમનામાં લેફ્ટનન્ટ ગવર્નર મનોજ સિન્હા કે ભાજપ વિરુદ્ધ બોલવાની પણ હિંમત નથી.

લોને કહ્યું, ચૂંટણી સમયે તમારા નિવેદનોમાં આક્રમકતા હતી. તમારું સમગ્ર અભિયાન ભાજપ વિરુદ્ધ હતું. આ સાથે રાજ્યમાં એનસીને જંગી જનાદેશ મળ્યો છે. ચૂંટણી બાદ અબ્દુલ્લાની આક્રમકતાનો અંત આવ્યો છે. તેમના નિવેદનો નરમ પડ્યા છે. હવે તેઓ ભાજપના નેતાઓને શાલ ભેટ આપતા જોવા મળી રહ્યા છે. લોને કહ્યું કે જમ્મુ અને કાશ્મીરમાં ચૂંટાયેલી સરકાર હોવા છતાં, લેફ્ટનન્ટ ગવર્નર દ્વારા સમાંતર શાસન છે, જે સમગ્ર રાજ્યમાં ભ્રમ પેદા કરી રહ્યું છે. કાશ્મીરીઓએ તમને જનાદેશ આપ્યો છે, હવે તેમના માટે લડો.