Mumbai,તા.૧૯

ટીવી ઈન્ડસ્ટ્રીની પોપ્યુલર એક્ટ્રેસ અને ’બિગ બોસ’ની વિનર શ્વેતા તિવારી પોતાની પ્રોફેશનલ લાઈફ સિવાય પર્સનલ લાઈફના કારણે પણ ચર્ચામાં રહે છે. પોતાની ફિટનેસ અને સુંદરતાથી ચાહકોનું ધ્યાન પોતાની તરફ ખેંચનારી ૪૪ વર્ષની અભિનેત્રી આ દિવસોમાં પોતાની કેટલીક તસવીરોને કારણે ચર્ચામાં છે. વાસ્તવમાં સોશિયલ મીડિયા પર કેટલીક તસવીરો સામે આવી છે, જે શ્વેતા તિવારીના લગ્નની હોવાનો દાવો કરવામાં આવી રહ્યો છે.તેના વિશે કહેવામાં આવી રહ્યું છે કે તેણે ત્રીજા લગ્ન કર્યા છે. આવો જાણીએ શું છે શ્વેતા તિવારીના ત્રીજા લગ્ન અને વાયરલ તસવીરો વિશે.

શ્વેતા તિવારી સાથે જોડાયેલી કેટલીક તસવીરો સોશિયલ મીડિયા પર ઝડપથી વાયરલ થઈ રહી છે. આ તસવીરો ’બિગ બોસ યુનિવર્સ’ના ફેસબુક પેજ પરથી શેર કરવામાં આવી છે. આ સાથે દાવો કરવામાં આવ્યો છે કે તેણે ટીવી એક્ટર વિશાલ આદિત્ય સિંહ સાથે લગ્ન કર્યા છે. લોકો આ તસવીરો પર જોરદાર કોમેન્ટ કરી રહ્યા છે. આવો અમે તમને જણાવીએ કે શ્વેતા તિવારીના ત્રીજા લગ્નની વાયરલ તસવીરોનું સત્ય શું છે. જ્યારે આ તસવીરોની તપાસ કરવામાં આવી તો જાણવા મળ્યું કે શ્વેતા તિવારી અને વિશાલ આદિત્ય સિંહના લગ્નની તસવીરો સંપૂર્ણપણે નકલી હતી. આ તસવીરો એડિટ કરીને વાયરલ કરવામાં આવી છે.

શ્વેતા તિવારીએ ૧૯૯૮માં રાજા ચૌધરી સાથે લગ્ન કર્યા અને ૨૦૦૭માં બંનેના છૂટાછેડા થઈ ગયા. બંનેને એક પુત્રી પલક તિવારી છે. પલક તિવારી બોલિવૂડ ઈન્ડસ્ટ્રીમાં ડેબ્યુ કરી ચૂકી છે. શ્વેતા તિવારીએ ૨૦૧૩માં અભિનવ કોહલી સાથે લગ્ન કર્યા અને ૨૦૧૯માં બંનેના છૂટાછેડા થઈ ગયા. બંનેને એક પુત્ર છે. હાલમાં શ્વેતા તિવારીના ત્રીજા લગ્નના સમાચાર અને તસવીરો ફેક નીકળી છે. તે જ સમયે, ચાહકો તેમની ફેવરિટ એક્ટ્રેસ વિશે દરેક માહિતી મેળવવા માટે ખૂબ જ ઉત્સુક દેખાઈ રહ્યા છે.