Ghaziabad,તા.૨૭

વડાપ્રધાન નરેન્દ્ર મોદી રવિવારે સાહિબાબાદથી આનંદ વિહાર સ્ટેશન સુધી નમો ભારત ટ્રેનને લીલી ઝંડી આપશે. તેને જોતા ગાઝિયાબાદમાં સુરક્ષા વધારી દેવામાં આવી છે. અધિકારીઓના જણાવ્યા અનુસાર, આ કાર્યક્રમની તૈયારી માટે ગાઝિયાબાદ પોલીસે આઠ પોલીસ સ્ટેશન વિસ્તારોને ડ્રોન મુક્ત ઝોન તરીકે જાહેર કર્યા છે. વડાપ્રધાનની મુલાકાત દરમિયાન મહત્તમ સુરક્ષા સુનિશ્ચિત કરવા માટે કોતવાલી, મધુબન બાપુધામ, નંદગ્રામ, લિંક રોડ, સાહિબાબાદ, ઈન્દિરાપુરમ, સિહાની ગેટ અને કૌશામ્બી પોલીસ સ્ટેશન વિસ્તારમાં ડ્રોન ઉડાડવા પર પ્રતિબંધ મુકવામાં આવ્યો છે.

પોલીસે કાયદો અને વ્યવસ્થા જાળવવા માટે ભારતીય નાગરિક સંરક્ષણ સંહિતાની કલમ ૧૬૩ (વિક્ષેપ અથવા ભયની આશંકાના તાકીદના કેસોમાં આદેશ જારી કરવાની સત્તા)નો પણ ઉપયોગ કર્યો છે. કુમારે જણાવ્યું હતું કે, “સમગ્ર શહેરમાં સુરક્ષા કડક કરવામાં આવી છે અને અમે ટૂંક સમયમાં ઇવેન્ટ દરમિયાન સરળ હિલચાલ માટે ડાયવર્ઝન પ્લાન જારી કરીશું.”

તમને જણાવી દઈએ કે નમો ભારત ટ્રેનો ભારતની ભાવિ પ્રાદેશિક રેપિડ ટ્રાન્ઝિટ સિસ્ટમનો ભાગ છે, જે આધુનિક, હાઇ-સ્પીડ કનેક્ટિવિટી પ્રદાન કરે છે. સ્માર્ટ ટિકિટિંગ, આરામદાયક બેઠક અને ઉન્નત સલામતી પ્રણાલી જેવી અદ્યતન સુવિધાઓથી સજ્જ, આ ટ્રેનોનો હેતુ શહેરી વિસ્તારોમાં ટ્રાફિકની ભીડ અને પ્રદૂષણને ઘટાડીને સીમલેસ મુસાફરીનો અનુભવ આપવાનો છે. રૂ. ૩૦,૨૭૪ કરોડના પ્રોજેક્ટનો આખો કોરિડોર ૮૨ કિમી લાંબો હશે અને તે દિલ્હીના સરાય કાલે ખાન સ્ટેશનથી મેરઠના મોદીપુરમ સુધી લંબાશે. મેરઠ અને દિલ્હી વચ્ચે મેલ એક્સપ્રેસ ટ્રેનમાં દોઢ કલાક અને લોકલ ટ્રેનમાં બે કલાક લાગે છે, પરંતુ આરઆરટીએસ માત્ર ૫૫-૬૦ મિનિટ લેશે. આ સમગ્ર પ્રોજેક્ટ જૂન ૨૦૨૫માં પૂર્ણ થવાની ધારણા છે. તમને જણાવી દઈએ કે આ પ્રોજેક્ટનો શિલાન્યાસ પીએમ મોદીએ ૮ માર્ચ ૨૦૧૯ના રોજ કર્યો હતો.

સાહિબાબાદ અને દુહાઈ ડેપો વચ્ચે આરઆરટીએસના પ્રથમ ૧૭-ાદ્બ-પ્રાધાન્યતા વિભાગનું ઉદ્‌ઘાટન ૨૦ ઓક્ટોબર, ૨૦૨૩ ના રોજ મોદીએ કર્યું હતું. હાલમાં નમો ભારત સેવાઓ સાહિબાબાદ, ગાઝિયાબાદ, ગુલધર, દુહાઈ, દુહાઈ ડેપો, મુરાદનગર, મોદી નગર દક્ષિણ, મોદી નગર ઉત્તર અને મેરઠ દક્ષિણ સહિત નવ સ્ટેશનોને સેવા આપતા ૪૨ કિમીના કોરિડોર પર કાર્ય કરે છે.