દરિયાઈ સુરક્ષા, વેપાર અને રોકાણ સહિતના કેટલાક મુખ્ય ક્ષેત્રોમાં દ્વિપક્ષીય સંબંધોને મજબૂત કરવા પર ચર્ચા
New Delhi, તા.૩
ભારત અને માલદીવના લાંબા સમયના સંબંધની ખટાશ ઓછી થતી નજરે પડી રહી છે. ભારત અને માલદીવે શુક્રવાર (૩ જાન્યુઆરી, ૨૦૨૫)ના રોજ બોર્ડર પાર વ્યાપાર માટે સ્થાનિક મુદ્દાઓના ઉપયોગને પ્રોત્સાહન આપવા પર સહમતિ દર્શાવી છે અને વિદેશ મંત્રી એસ. જયશંકરે કહ્યું કે, ભારત હંમેશા માલદીવની સાથે ઉભું છે.
જયશંકરે દિલ્હીમાં માલદીવના પોતાના સમકક્ષ અબ્દુલ્લા ખલીલની સાથે બેઠકમાં આ ટિપ્પણી કરી છે.
એસ. જયશંકર અને અબ્દુલ્લા ખલીલ વચ્ચે દરિયાઈ સુરક્ષા, વેપાર અને રોકાણ સહિતના કેટલાક મુખ્ય ક્ષેત્રોમાં દ્વિપક્ષીય સંબંધોને મજબૂત કરવાના રસ્તાઓ પર ચર્ચા થઈ છે. માલદીવના વિદેશ મંત્રી અબ્દુલ્લા ખલીલ ત્રણ દિવસોના પ્રવાસે આવ્યા છે.
એસ. જયશંકરે કહ્યું કે, ’બોર્ડર પાર લેવડ-દેવડ માટે સ્થાનિક મુદ્દાઓના ઉપયોગને પ્રોત્સાહનની રૂપરેખા પર હસ્તાક્ષર કરવામાં આવ્યા છે. અમે અલગ અલગ ક્ષેત્રોમાં પોતાની ભાગીદારી વધારી છે અને હું કહેવા માગુ છું કે ભારત હંમેશા માલદીવની સાથે ઉભું રહ્યું છે. તમે અમારી નેબરહુડ(પાડોશી) ફર્સ્ટની નીતિમાં ખુબ મહત્ત્વ રાખો છો.’
માલદીવના વિદેશ મંત્રી ડૉ. ખલીલે પોતાના તરફથી ભારત દ્વારા જરૂરિયાતના સમયે માલદીવને આપવામાં આવેલી ઈમરજન્સી નાણાકીય સહાયના વખાણ કર્યા જે માલદીવના પ્રથમ પ્રાથમિકતા આપનાર તરીકે ભારતની ભૂમિકાને દર્શાવે છે. માલદીવે ભારતનો આભાર માન્યો. ભારત-માલદીવ વ્યાપક આર્થિક અને દરિયાઈ સુરક્ષાની ભાગીદારી માટે સંયુક્ત દૃષ્ટિકોણને સાકાર કરવામાં ભારત સરકારની સાથે મળીને કામ કરવા માટે રાષ્ટ્રપતિ ડૉ. મુઇજ્જૂ અને માલદીવ સરકારની દૃઢ પ્રતિબદ્ધતાની પુષ્ટિ કરી.