New York,તા.૧૧

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પને અમેરિકન કોર્ટે હશ મની કેસ (પોર્ન સ્ટાર કેસ) માં દોષિત ઠેરવ્યા છે. જોકે, ટ્રમ્પ જેલ જવાથી બચી ગયા. ન્યૂ યોર્કના ન્યાયાધીશ જુઆન મર્ચને ડોનાલ્ડ ટ્રમ્પને પોર્ન સ્ટાર સ્ટોર્મી ડેનિયલ્સને ચૂપ રહેવા માટે પૈસા આપવા બદલ દોષિત ઠેરવ્યા હતા પરંતુ તેમને સજા ફટકારી ન હતી.

 અહેવાલ મુજબ, ન્યાયાધીશે ટ્રમ્પને બિનશરતી મુક્તિ આપવાનો આદેશ આપ્યો. આનો અર્થ એ થયો કે ટ્રમ્પને ન તો જેલમાં જવું પડશે અને ન તો કોઈ દંડ ભરવો પડશે. કોર્ટના આદેશ મુજબ, ટ્રમ્પ ચોક્કસપણે જેલ જવાથી બચી ગયા હતા પરંતુ તેનાથી તેમના રાજકીય કારકિર્દી પર ડાઘ પડી ગયો. કારણ કે આ પહેલી વાર છે જ્યારે કોઈ રાષ્ટ્રપતિને કોઈ ગુનામાં દોષિત ઠેરવવામાં આવ્યા છે. આ સાથે હવે મામલો અહીં સમાપ્ત થાય છે.

ટ્રમ્પને તેમની બિનશરતી મુક્તિથી મોટી રાહત મળી. અહેવાલો અનુસાર, મેનહટનના ન્યાયાધીશ જુઆન એમ. મર્ચન ટ્રમ્પને ચાર વર્ષ સુધીની જેલની સજા ફટકારી શક્યા હોત. જોકે, તેમણે એક એવો ચુકાદો પસંદ કર્યો જેણે અનેક બંધારણીય મુદ્દાઓ ઉભા થતા અટકાવ્યા અને અસરકારક રીતે કેસનો ઉકેલ લાવ્યો. કોર્ટના આ નિર્ણયને ટ્રમ્પ માટે મોટી રાહત તરીકે જોવામાં આવી રહ્યો છે અને તેનાથી તેમના માટે રાષ્ટ્રપતિ તરીકે બીજા કાર્યકાળ માટે વ્હાઇટ હાઉસ પાછા ફરવાનો માર્ગ પણ સાફ થઈ ગયો છે.

ટ્રમ્પ પહેલા અમેરિકી રાષ્ટ્રપતિ હશે જેમને ફોજદારી ગુનામાં દોષિત ઠેરવવામાં આવશે અને ઔપચારિક રીતે સજા ફટકારવામાં આવશે. આ કેસ ૨૦૧૬ ની રાષ્ટ્રપતિની ચૂંટણી દરમિયાન ટ્રમ્પ દ્વારા પોર્ન સ્ટાર સ્ટોર્મી ડેનિયલ્સને તેમના એક સહાયક દ્વારા ેંજીઇં ૧,૩૦,૦૦૦ ચૂકવવા સાથે સંબંધિત છે જેથી તેણીએ તેમની સાથે જાતીય સંબંધ બાંધ્યા હોવાની હકીકત જાહેર ન કરી.

ભૂતપૂર્વ રાષ્ટ્રપતિએ સુપ્રીમ કોર્ટને પોર્ન સ્ટારને મોં બંધ રાખવા માટે પૈસા ચૂકવવા સંબંધિત કેસમાં સજા પર રોક લગાવવાની વિનંતી કરી હતી. જોકે, સુપ્રીમ કોર્ટે ટ્રમ્પની અરજી ફગાવી દીધી હતી, જેના કારણે જસ્ટિસ માર્ચન માટે શુક્રવારે તેમની સજાની જાહેરાત કરવાનો માર્ગ મોકળો થયો હતો.