Georgetown,તા.૨૦

બ્રાઝિલના રિયો ડી જાનેરોમાં જી-૨૦ સમિટમાં ભાગ લીધા બાદ વડાપ્રધાન નરેન્દ્ર મોદી હવે ગુયાના પહોંચી ગયા છે. ત્યાં પહોંચતા જ ગયાનાના રાષ્ટ્રપતિ મોહમ્મદ ઈરફાન અલીએ તેમને ગળે લગાવ્યા. ઇરફાન અલીએ ખુદ પીએમ મોદીનું સ્વાગત કર્યું અને ગયાનાની ધરતી પર પગ મૂકતાની સાથે જ ઉષ્માભર્યું સ્વાગત કર્યું.

વડાપ્રધાન મોદી તેમના ૫ દિવસના વિદેશ પ્રવાસ દરમિયાન તેમની છેલ્લી મુલાકાતે ગયાના પહોંચ્યા છે. આ પછી તે ભારત પરત ફરશે. તેમની મુલાકાત દરમિયાન પીએમ મોદી ગયાના સંસદની વિશેષ બેઠકને સંબોધિત કરશે. આ સિવાય તેઓ બીજી ઈન્ડિયા-કેરીકોમ સમિટમાં કેરેબિયન ભાગીદાર દેશોના નેતાઓ સાથે પણ જોડાશે.