Mumbai,તા.૧

અલ્લુ અર્જુનની ’પુષ્પા ૨’ તમામ વિવાદો છતાં બોક્સ ઓફિસ પર બ્લોકબસ્ટર રહી છે. સોશિયલ મીડિયા પર કોઈ ફિલ્મ અને અભિનેતાના વખાણ કરી રહ્યું છે. હવે આ ક્રમમાં અભિનેતા આમિર ખાન પણ જોડાયો છે. અભિનેતા આમિર ખાનના પ્રોડક્શન હાઉસે અલ્લુ અર્જુન સ્ટારર ’પુષ્પા ૨ઃ ધ રૂલ’ની ટીમને તેની સફળતા બદલ અભિનંદન પાઠવ્યા છે. તાજેતરમાં, આમિર ખાન પ્રોડક્શન્સે એકસ પર એક ટૂંકી અને મીઠી નોંધ લખી હતી.

આમિરની ટીમે લખ્યું, ફિલ્મની બ્લોકબસ્ટર સફળતા માટે “પુષ્પા ૨ઃ ધ રૂલ” ની સમગ્ર ટીમને અમારી સૌથી મોટી અભિનંદન! તમને સતત સફળતા મળે તેવી શુભેચ્છા. સમગ્ર ટીમ તરફથી ખૂબ ખૂબ પ્રેમ અને ફરી અભિનંદન. આમિરની ટીમના આ મેસેજ પછી એવું કહેવું બિલકુલ ખોટું નહીં હોય કે બોલિવૂડ પણ અલ્લુ અર્જુનની ’પુષ્પા ૨’ને લઈને પાગલ થઈ રહ્યું છે.

આમિરની ટીમની આ પોસ્ટનો જવાબ આપતા અલ્લુ અર્જુને ટ્‌વીટ કર્યું, “તમારી શુભકામનાઓ માટે ખૂબ ખૂબ આભાર. છદ્ભઁની સમગ્ર ટીમને હાર્દિક અભિનંદન.” સોશિયલ મીડિયા પર આમિર અને અલ્લુ અર્જુનની કેમેસ્ટ્રી ચાહકોને પસંદ આવી રહી છે. એક યુઝરે લખ્યું કે, જ્યારે એક અભિનેતા બીજા અભિનેતાની પ્રશંસા કરે છે ત્યારે ખરેખર સારું લાગે છે. અન્ય એક યુઝરે લખ્યું, અલ્લુ અર્જુને આમિરની ટીમને ખૂબ જ સન્માન સાથે જવાબ આપ્યો છે.

પુષ્પા ૨ વિશે વાત કરીએ તો, અલ્લુ અર્જુને બોક્સ ઓફિસ પર દબદબો જમાવ્યો છે. આ ફિલ્મે માત્ર ૨૫ દિવસમાં ૧૭૬૦ કરોડ રૂપિયાની કમાણી કરી લીધી છે.લોકોએ અલ્લુ અર્જુનની શાનદાર એક્ટિંગની સાથે સાથે કલાકાર અને ક્રૂના શાનદાર પ્રયાસોની પ્રશંસા કરી છે.આ ફિલ્મનું નિર્દેશન સુકુમાર દ્વારા કરવામાં આવ્યું છે. અર્જુન ઉપરાંત, તેમાં રશ્મિકા મંદન્ના અને ફહદ ફાસિલ પણ છે.આ ફિલ્મ ૫ ડિસેમ્બર, ૨૦૨૪ના રોજ રિલીઝ થશે.