Morbi,તા.23
પોલીએ બે આરોપીઓ વિરુદ્ધ ગુનો નોંધી તપાસ ચલાવી
મોરબીના નાની વાવડી ગામે યુવાનનો હત્યા કરાયેલ મૃતદેહ મળી આવતા પોલીસે તપાસ ચલાવી હતી અને યુવાનની હત્યા પૈસાની લેતીદેતી મામલે થયાનું ખુલ્યું છે જે બનાવ મામલે મૃતકના પિતાની ફરિયાદને આધારે પોલીસે બે આરોપીઓ વિરુધુ ગુનો નોંધી આરોપીને ઝડપી લેવા તપાસના ચક્રો ગતિમાન કર્યા છે
મોરબીના નાની વાવડી ગામના રહેવાસી ભાણજીભાઈ મોતીભાઈ મકવાણા નામના વૃદ્ધે આરોપીઓ હેમંત પ્રેમજી સોલંકી રહે નાની વાવડી અને ગૌતમ હીરાભાઈ ઉભડીયા વિરુદ્ધ ફરિયાદ નોંધાવી છે જેમાં જણાવ્યું છે કે ફરિયાદીના દીકરા દીપક મકવાણા પાસે આરોપીઓ પૈસા માંગતા હતા પરંતુ પરિવારમાં કોઈ કમાનાર ના હોવાથી દીકરો ઉછીના લીધેલ પૈસા સમયસર આપી શક્યો નથી જેથી આરોપી હેમંત અને ગૌતમ બંને ભેગા મળીને દીકરાના મોબાઈલમાંથી ફરિયાદી ભાણજીભાઈને પૈસા બાબતે ફોન કરી તેમજ દીકરા દીપકને માર મારી માથાના ભાગે અને શરીરે બોથડ પદાર્થના ઘા ઝીંકી ગંભીર ઈજા પહોંચાડી મોત નીપજાવ્યું હતું મોરબી તાલુકા પોલીસે આરોપીઓ વિરુદ્ધ ફરિયાદ નોંધી બંને આરોપીને ઝડપી લેવા વધુ તપાસ ચલાવી છે
