Punjab,તા.૩૧
Punjabના ફિરોઝપુરમાં એક મોટો અકસ્માત થયો છે. બોલેરો પિકઅપ અને કેન્ટર વચ્ચે થયેલી ટક્કરમાં ૧૦ લોકોના મૃત્યુના સમાચાર છે તો ૫ લોકો ગંભીર રીતે ઘાયલ થયા છે. હાલ તેમને સારવાર માટે હોસ્પિટલ લઈ જવાયા છે. ઘટનાની માહિતી મળતા જ પોલીસ અધિકારીઓ ઘટનાસ્થળે પહોંચી ગયા હતા. ઘટના બાદ હાઇવે પર ટ્રાફિક જામની સ્થિતિ સર્જાઇ હતી અને રોડ સેફટી ફોર્સ ટીમ પણ ઘટના સ્થળે પહોંચી છે. આ ઘટના જિલ્લાના ફિરોઝપુર-ફાઝિલ્કા રોડ પર બની હતી.
અકસ્માતની જાણ થતાં જ લોકો ઘટનાસ્થળે દોડી આવ્યા હતા. પોલીસને માહિતી મળતા જ તેઓ ઘટના સ્થળે આવી પહોંચ્યા હતા. તપાસ માટે પહોંચેલા ઇન્સ્પેક્ટર અને ત્યારબાદ નેશનલ હાઇવે પર જમેલો ટ્રાફિક ક્લિયર કરવામાં આવ્યો હતો.
પોલીસ ઇન્સ્પેક્ટરે જણાવ્યું કે મજૂરો બોલેરો પિકઅપમાં મુસાફરી કરી રહ્યા હતા. તે ફિરોઝપુરથી કોઈ ગામ તરફ જઈ રહ્યા હતા. તે પિકઅપ વાન બેકાબૂ થઈ જતાં પાછળથી આવેલા કેન્ટર સાથે અથડાયું. હોસ્પિટલ પહોંચતા જ પાંચથી વધુ લોકોને મૃત જાહેર કરવામાં આવ્યા. ઘટનાસ્થળે હાજર લોકોએ જણાવ્યું છે કે બોલેરો પિકઅપમાં મુસાફરી કરી રહેલા બધા લોકો લગ્નમાં વેઈટર તરીકે કામ કરતા હતા. અકસ્માત બાદ મૃતકોના પરિવારજનોમાં અફડાતફડીનો માહોલ સર્જાયો હતો.
ઘટના અંગે એક સ્થળ પર હજાર રહેલા વ્યક્તિએ જણાવ્યું કે પિકઅપમાં ઘણા લોકો હતા અને તે પૂર ઝડપે જઈ રહી હતી તેમાં તે કાબૂ બહાર જતાં પાછળથી ખૂબ જ ઝડપે આવતા એક કેન્ટરે તેને ટક્કર મારી, ત્યારબાદ એક મોટો અવાજ સંભળાયો. જ્યારે સ્થાનિક લોકો ત્યાં પહોંચ્યા, ત્યારે ગંભીર રીતે ઘાયલ લોકોને વાહનોમાંથી બહાર કાઢવામાં આવ્યા. તેમાંના ઘણાના ઘટનાસ્થળે જ મૃત્યુ પામ્યા હતા.
