Srinagar,તા.૮

પીડીપીના વડા મહેબૂબા મુફ્તીએ તાજેતરની જમ્મુ અને કાશ્મીર વિધાનસભાની ચૂંટણીમાં શ્રેષ્ઠ પ્રદર્શન માટે કોંગ્રેસ અને નેશનલ કોન્ફરન્સની પ્રશંસા કરી હતી. તેમણે કહ્યું કે આ ચૂંટણી પરિણામો દર્શાવે છે કે લોકોએ સ્થિર સરકારને મત આપ્યો છે.

મહેબૂબા મુફ્તીએ કહ્યું કે, હું કોંગ્રેસ અને નેશનલ કોન્ફરન્સના નેતૃત્વને તેમના શ્રેષ્ઠ પ્રદર્શન માટે અભિનંદન આપું છું. હું જમ્મુ અને કાશ્મીરના લોકોને પણ અભિનંદન આપું છું જેમણે સ્થિર સરકાર માટે મતદાન કર્યું. જો આ સ્પષ્ટ આદેશ ન હોત, તો કોઈને લાગે છે કે કંઈક ખોટું થયું હશે.

મહેબૂબાએ એમ પણ કહ્યું કે લોકો સ્થિરતાની જરૂરિયાતને સમજે છે અને તેથી જ તેમણે ભાજપને દૂર રાખવા માટે દ્ગઝ્ર અને કોંગ્રેસને પસંદ કર્યા. તેમણે કહ્યું, લોકોએ સ્થિર સરકારની ઈચ્છા વ્યક્ત કરી છે અને તેમને વિશ્વાસ છે કે એનસી-કોંગ્રેસ પરિસ્થિતિને સંભાળવામાં સક્ષમ હશે.

મહેબૂબા મુફ્તીએ એમ પણ કહ્યું હતું કે ચૂંટણી પરિણામો પછી પડકારોનો સામનો કરવો પડે છે અને તેમને આશા છે કે નવી સરકાર જનતાની અપેક્ષાઓ પર ખરી ઉતરશે. તેમણે ભાજપ પર અસ્થિરતાનું વાતાવરણ બનાવવાનો આરોપ લગાવ્યો હતો, જેને લોકોએ ફગાવી દીધો છે.