Jasdan, તા.20
જસદણના ગોખલાણા ગામેથી 17 વર્ષીય સગીરાનું અપહરણ થયું હતું. જે અંગે અપહરણ, એટ્રોસિટી સહિતની કલમો હેઠળ ફરિયાદ નોંધાતા આરોપીને પોલીસે સકંજામાં લીધો છે.પોલીસ સૂત્રોએ જણાવ્યું કે, 17 વર્ષીય સગીરા ઘરેથી ગુમ થઈ જતા તેમના પિતાએ જસદણ પોલીસ મથકનો સંપર્ક કર્યો હતો. દરમ્યાન સગીરાના પરિવારે શોધખોળ હાથ ધરી હતી.
જેમાં જાણવા મળેલ કે, આરોપી મંગળુ ચંપુ વાળા પણ તેના ઘરે નથી. જેથી અંતે પોલીસે મંગળુ વાળા ફરિયાદીની સગીર વયની દીકરીને લલચાવી ફોસલાવી લગ્નની લાલચ આપી બદકામ કરવાના ઇરાદે અપહરણ કરી ગયાની ફરિયાદ લીધી હતી. અને અપહરણ તેમજ એટ્રોસિટી એક્ટ મુજબ ગુનો નોંધી શોધખોળ કરતા આરોપી અને સગીરા મળી આવ્યા હતા. આરોપીને સકંજામાં લઈ આગળની તપાસ હાથ ધરી હતી.
