સુત્રાપાડા માર મારવાના કેસમાં સજા અને દંડ ફટકાર્યો
કોર્ટે દંડ પેટે આરોપી દીઠ રૂ.૫,૦૦૦ હુકમ કરવામાં આવ્યો
Gir Somnath,તા.05
સુત્રાપાડા કોર્ટે માર મારવાના કેસમા ગીર સોમનાથ જીલ્લા પંચાયતના સદસ્ય અને સુત્રાપાડા તાલુકા ભાજપ પ્રમુખ સહિત ચાર આરોપીને અઢી વર્ષની સજા અને દંડ ફટકાર્યો છે.વધુ વિગત મુજબ ગોરખમઢી ગામના રાજુભાઈ રમણીકભાઈ સુચકને ગામનાજ અને ગીર સોમનાથ જિલ્લા પંચાયતના સદસ્ય બાબુભાઈ રામભાઇ પરમારે ઘરે બોલાવ્યા ત્યારે નવાગામ ગ્રામ પંચાયતના સરપંચ અને હાલ સુત્રાપાડા તાલુકા ભાજપ પ્રમુખ પ્રતાપભાઈ લખમણભાઈ બામણીયા , કિશનભાઈ નારણભાઈ વાઢેર, બચુભાઈ ભગવાનભાઈ વાઢેર સહિતએ રાજુભાઈને ગાળો આપી લાકડી અને બેટ મારમારતા રાજુભાઈને પ્રથમ સુત્રાપાડા સરકારી હોસ્પિટલ ત્યાંથી વધુ સારવાર માટે જૂનાગઢ સીવીલમાં સારવાર અર્થે ખસેડવામાં આવ્યા હતા. પીડિતએ બાબુભાઈ રામભાઈ પરમાર , પ્રતાપભાઈ લખમણભાઈ બામણિયા, કિશનભાઈ નારણભાઈ વાઢેર અને બચુભાઈ ભગવાનભાઈ વાઢેર વિરુધ્ધ સુત્રાપાડા પોલીસમાં તા ૨૫/૧૧/૨૦૧૯ ના ફરિયાદ નોંધાવી હતી. તપાસના અંતે આરોપીઓ વિરુધ્ધ પુરતો પુરાવો જણાતાં ચાર્જશીટ કરતાં આ કેસ સુત્રાપાડા કોર્ટમાં ચાલી જતા કોર્ટે દલીલો અને આધાર પુરાવાઓને ધ્યાને લઈ બાબુભાઈ રામભાઈ પરમાર, પ્રતાપભાઈ લખમણભાઈ બાંભણીયા, કિશનભાઈ નારણભાઈ વાહેર, બચુભાઈ ભગવાનભાઈ વાહેરને તકસીરવાન ઠરાવી બે વર્ષની સાદી કેદની સજા કરવાનો હુકમ કરવામાં આવે છે અને દંડ પેટે તમામ આરોપી દીઠ રૂ. ૫,૦૦૦ અદાલતમાં ભરવાનો હુકમ કરવામાં આવે છે.
