New Delhi,તા.૧૧

હોળી પહેલા, દિલ્હીમાં ગેરકાયદેસર દારૂ બનાવતી ફેક્ટરીનો પર્દાફાશ થયો છે. અહેવાલો અનુસાર, ફેક્ટરીમાં નકલી દારૂ બનાવવામાં આવી રહ્યો હતો અને મોટી માત્રામાં કાચો માલ મળી આવ્યો છે. કહેવામાં આવી રહ્યું છે કે આ નકલી દારૂ હોળીના અવસર પર દિલ્હીના વિવિધ વિસ્તારોમાં સપ્લાય કરવાનો હતો. ખાસ વાત એ છે કે દારૂની બોટલો પર ’ફક્ત હરિયાણામાં વેચાણ માટે’ લખેલું હતું. આ કેસમાં પોલીસે એક મહિલા સહિત બે લોકોની ધરપકડ કરી છે, જ્યારે ફેક્ટરી માલિક ફરાર થઈ ગયો છે.

અહેવાલો અનુસાર, ગુપ્ત માહિતીના આધારે, દિલ્હી પોલીસે દરોડો પાડ્યો અને ગેરકાયદેસર દારૂ બનાવતી ફેક્ટરી પકડી. દિલ્હીના ગોકુલપુરી વિસ્તારમાં આવેલી આ ફેક્ટરીમાં મોટી માત્રામાં નકલી દારૂ બનાવવામાં આવી રહ્યો હતો. હોળીના અવસર પર દિલ્હીના બજારોમાં નકલી દારૂ સપ્લાય કરવાનો હતો. પોલીસે આ ગેરકાયદેસર દારૂની ફેક્ટરીમાંથી મોટી માત્રામાં દારૂનો જથ્થો જપ્ત કર્યો છે. ફેક્ટરીમાંથી લગભગ ૧,૯૦૦ લિટર દારૂ, રસાયણો અને દારૂ બનાવવામાં વપરાતો કાચો માલ જપ્ત કરવામાં આવ્યો હતો. પોલીસે ફેક્ટરીમાંથી લગભગ ૧૨ હજાર દારૂની બોટલો જપ્ત કરી છે. કાર્યવાહી દરમિયાન, પોલીસે ફેક્ટરીની અંદરથી દારૂની બોટલો પર વપરાતા લેબલિંગ અને ઊઇ કોડ સ્ટીકરો પણ જપ્ત કર્યા હતા. આ ઉપરાંત, મોટી માત્રામાં બોટલો અને ઢાંકણા વગેરે પણ મળી આવ્યા છે. ફેક્ટરીમાંથી મળી આવેલી દારૂની બોટલો પર “ઓન્લી સેલ ઇન હરિયાણા” લખેલું હતું જ્યારે તે દિલ્હીમાં સપ્લાય થવાની હતી. આ કેસમાં પોલીસે સુમન નામની મહિલા અને પપ્પુ નામના પુરુષની ધરપકડ કરી છે, જ્યારે ફેક્ટરી માલિક ફરાર થઈ ગયો છે. પોલીસે જણાવ્યું હતું કે ફરાર ફેક્ટરી માલિકની શોધ ચાલુ છે.