Jamnagar,તા.19
જામનગર મહાનગરપાલિકાની જનરલ બોર્ડની બેઠક આજે ટાઉનહોલમાં મળી હતી ત્યારે જામનગર મહાનગરપાલિકાના વોર્ડ નંબર ચારના કોંગી કોર્પોરેટર રચનાબેન નંદાણીયા કે જેઓ આજે પ્રજાના ટેક્સના પૈસાનો વેડફાટ, અને ભૂગર્ભના કામમાં ભ્રષ્ટાચાર ન મુદ્દો લઈને વિશેષ પ્રકારના પહેરવેશ સાથે ટાઉનહોલ ના પટાંગણમાં પ્રવેશ્યા હતા.
તેઓએ ચલણી નોટો ચિપકાવેલો ડ્રેસ પહેર્યો હતો, સાથે સાથે ડ્રેસ પર ગારા કીચડ પણ લગાવેલા હતા, અને માથે કાળી રાક્ષસી ટોપી પહેરીને હાથમાં પોસ્ટર દર્શાવ્યું હતું. જેમાં જામનગરની જનતા વોટર-ટેક્સના પૈસા ભરે છે પણ પ્રજાના પૈસા ભૂગર્ભ ગટરના ગારા કિચડમાં વેડફાઈ જાય છે, તે પ્રકારેના પોસ્ટર દર્શાવી નવતર પ્રકારે વિરોધ પ્રદર્શન કર્યું હતું. જેથી ભારે કુતુહલ સર્જાયું હતું.
