New Delhi તા.10
એક પખવાડીયાથી વધુ સમય બાદ સંસદના બજેટ સત્રના બીજા તબકકાનો પ્રારંભ થતા જ પ્રથમ દિવસે વિપક્ષ અને સરકાર વચ્ચે જબરી ટકકર સર્જાઈ હતી. જેમાં નવા સીમાંકન અને નવી શિક્ષણનીતિ ત્રણ ભાષાઓના વિવાદ પર ડીએમકે સહિતના સાંસદોએ ધમાલ મચાવતા બપોર સુધી રાજયસભા અને લોકસભા મુલત્વી રહ્યા છે.
રાજયસભામાં આમ આદમી પાર્ટીના સાંસદ સંજયસિંહે નિયમ 267 મુજબ શેરબજારમાં તિવ્ર ઘટાડા અને તેના કારણે રીટેલ રોકાણકારોને થતા નુકસાન અને નિયમનતંત્રની કામગીરી તેવા મુદા પર સભા મોકુફી પ્રસ્તાવ રજુ કર્યો હતો.
તો કોંગ્રેસ પક્ષે અમેરિકા દ્વારા લાદવામાં આવી રહેલા ટેરીફ મુદે પણ આ પ્રકારની નોટીસ આપી હતી. સરકારે તમામ ચર્ચાઓ કરવા તૈયારી બતાવી પણ વિપક્ષે ધમાલ મચાવવાનું યથાવત રાખતા જ લોકસભા અને રાજયસભા બપોર સુધી મુલત્વી રહી છે.